«Խատուտիկի ոդիսականը» ֆիլմի ցուցադրությունը և Կաննի ու Բեռլինի փառատոնների մրցանակակիր, ռեժիսոր Մոմոկո Սետոյի վարպետաց դասը: Մոմոկոն իր փորձարարական ֆիլմերում միավորում է արվեստը, գիտությունն ու բնությունը՝ սերմերն ու միկրոօրգանիզմները մակրոլուսանկարչության միջոցով վերածելով պոետիկ կինոյի: «Խատուտիկի ոդիսականը» պատմում է չորս արտասովոր սերմերի՝ Դենդելիոնի, Բարաբանի, Լեոնտոյի և Տարաքսայի մասին, որոնք փրկվելով միջուկային պայթյունից՝ հայտնվում են տիեզերքում, վայրէջք կատարում անհայտ մոլորակի վրա ու նոր տուն փնտրում: Ցուցադրությունից հետո Մոմոկո Սետոն կներկայացնի, թե ինչպես է գիտական հետազոտությունը վերածվում կինոյի, և կկիսվի գիտությունն ու կինոն միավորելու իր փորձով: Տևողություն՝ 76 րոպե Տարիքային սահմանափակում՝ 6+ Լեզու՝ առանց երկխոսությունների Մուտքն ազատ է: