16 կմ երկարությամբ քայլարշավ Ծաղկունյաց լեռների փեշերով և անտառներով՝ մինչև Հրազդանի հովիտ։ Երթուղին սկսվում է Ծաղկաձորի բարձրադիր հատվածից («Բերդի գլուխ» ամրոցի ավերակների մոտից), անցնում Բջնի գետակի անտառապատ ձորով և Թթուջուր հանքային աղբյուրով, անտառային արահետներով բարձրանում Ծմակ լեռան գագաթամերձ հատված (2249 մ), ապա Բջնուսար լեռան փեշերով իջնում դեպի Վանքիջուր գետակի վերին հատվածը։ Ճանապարհին կտեսնենք հին ամրոցի ավերակները ժայռոտ բլրի գագաթին և կհասնենք 7-11-րդ դարերի Մայրավանքի եկեղեցի։ Վանքից արահետն իջնում է Հրազդան գետի ափ՝ Սոլակ գյուղի մոտ։ Քայլարշավի երկարությունը՝ 16 կմ Հարաբերական բարձրությունը՝ 450 մ Երթևեկությունը՝ 15-20 տեղանոց միկրոավտոբուսով Արժեքը ներառում է տրանսպորտի և ուղեկցորդի ծառայությունները։ Մեկնարկը՝ Սախարովի հրապարակից։ Անհրաժեշտ պարագաներ՝ արշավային հաստ տակացուով կոշիկներ, հարմարավետ սպորտային հագուստ, արևապաշտպան կրեմ և գլխարկ, անձրևանոց, ուսապարկ, մեկօրյա սնունդ, ջուր, լապտեր։ Գրանցվելուց հետո կարող եք հրաժարվել մինչև ուրբաթ օրվա 24:00-ն։ Շաբաթ օրը հրաժարվելու դեպքում մասնակիցը պարտավորվում է վճարել գումարն ամբողջությամբ։ Գրանցվելու համար զանգահարել 091321252 համարին։