Ժամանակակից պար և տեղհատուկ պերֆորմանս «ԱՐէ ՖԵՍՏ»-ի շրջանակում։ Պերֆորմանսը հիմնված է իրական պատմությունների ուսումնասիրությունների և գրառումների վրա, որոնք տեղի են ունեցել 2020 թվականի Արցախյան (Լեռնային Ղարաբաղի) պատերազմի ընթացքում և հետո։ Այն կորստի, ցավի և հանգիստ չտվող մտքերի անդրադարձն է՝ ուղղված պատմության վերագնահատմանը և մարդկության դաժան գործիքակազմի գիտակցմանը։ Պարը վերածված է ներքին շարժման՝ կապված զգացմունքին ու ձայնին, իսկ հողը ներկայացման մեջ ոչ թե ձևավորում է, այլ գործող անձ, կերպար և իրական պատմության կրող։ Գեղարվեստական ղեկավար՝ Ցոլակ Մլքե-Գալստյան։