«ՀԱՅ ՖԵՍՏ» փառատոնի շրջանակում առաջին անգամ մեկնարկում է HFPAM Կատարողական արվեստների միջազգային տարածաշրջանային շուկան։ Երևանը կհյուրընկալի շուրջ 30 միջազգային փորձագետների 16 երկրից (Լեհաստան, ԱՄՆ, Ֆրանսիա, Չինաստան, Ռուսաստան, Վրաստան, Թուրքիա, Միացյալ Թագավորություն, Կիպրոս և այլն)՝ միջազգային փառատոների տնօրենների, թատրոնների և մշակութային կազմակերպությունների ներկայացուցիչների ու պրոդյուսերների։ Ծրագրում ներառված են պանելային քննարկումներ և փիչինգ ձևաչափով մասնագիտական հանդիպումներ՝ ուղղված միջազգային համագործակցությունների, պրոֆեսիոնալ կապերի ու համատեղ նախաձեռնությունների զարգացմանը։