ReA 2026 փառատոնի դիպլոմային ֆիլմերի ծրագիր 5։ Ֆիլմերը մասնակցում են մրցույթին և գնահատվում փառատոնի ժյուրիի կողմից։ Sensual, ռեժիսոր՝ Tanja Nuijten (Գերմանիա, Շվեյցարիա · 4:12 րոպե) Լորձնէակները մեղմորեն սահում են խոնավ շուրթերի վրայով։ Օձերը քնքշորեն անցնում են մատների արանքով, իսկ արջը սիրով գրկում է կնոջ մարմինը։ «Sensual»-ը ֆիզիկական մտերմության ու քնքշության զգացողությանը նայում է անսովոր, սուբյեկտիվ և խորապես անձնական հայացքով։ Կենդանիների փոխաբերական կերպարների միջոցով ֆիլմը մեզ տանում է սիրային նախախաղի նուրբ զգացումների միջով, որոնք վերածվում են սիրելիի մեղմ ու սիրառատ հպումների։ Half Baked, ռեժիսոր՝ Stephen Paul Rivas (ԱՄՆ · 2:22 րոպե) «Half-Baked»-ը անիմացիոն կարճ դրվագների շարք է մի երիտասարդի մասին, որը խոհարարություն սովորելիս զվարճալի սխալներ է անում։ Ամեն անհաջողությունից հետո նա պիցցա է պատվիրում, և նրա բնակարանում պիցցայի տուփերի մի ամբողջ լեռ է կուտակվում։ Շատ փորձերից հետո գուցե նրան վերջապես հաջողվի ախորժելի մի բան պատրաստե՜լ։ The Hermit Crab, ռեժիսոր՝ Beaux Salix (Հոնկոնգ, Միացյալ Թագավորություն · 13:05 րոպե) Մի երիտասարդ կին հիշողության պատառիկներով վերադառնում է իր մանկություն՝ փորձելով հասկանալ, թե ինչ է նշանակում ապահովություն փնտրել լքված լինելուց հետո։ Իր պատյանից մեծացած ճգնավոր խեցգետնի պես նա սովորում է զգալ, թե երբ է ժամանակը բաց թողնելու անցյալը։ Farewell, ռեժիսոր՝ Ximena Álvarez Portilla (Մեքսիկա · 6:45 րոպե) Ինքնասպանությունից հետո Սերխիոն հայտնվում է դատարկության մեջ ու հասկանում, որ այժմ ուրվական է։ Այնտեղից նա տեսնում է, թե ինչպես է իր լավագույն ընկեր Ադոլֆոն անմխիթար լալիս՝ գտնելով իր մարմինը։ Սովորության համաձայն՝ Սերխիոն փորձում է մոտենալ ընկերոջը, բայց նրանց աշխարհները բաժանում է անտեսանելի մի պատնեշ։ Նրան թեկուզ մի փոքր մխիթարելու հուսահատ ցանկությամբ՝ Սերխիոն իր ողջ ուժով կփորձի անցնել պատնեշը՝ ընկերոջը վերջին հրաժեշտը տալու համար։ a body without a horse?, ռեժիսոր՝ Lara Fuke (Պորտուգալիա · 8:31 րոպե) we are something, ռեժիսոր՝ Huayi Yu (Չինաստան, Ճապոնիա, ԱՄՆ · 7:00 րոպե) Մեզնից յուրաքանչյուրը մի սև խոռոչ է։ Չափազանց մոտ կանգնեք, ու կսկսեք անհետանալ։ On Saint Nicholas’ Eve, ռեժիսոր՝ Emy Mirel Ivașcă (Ռումինիա · 11:00 րոպե) Ձյան մեջ պառկած տղամարդու տեսնելով՝ մի տղա հիշում է տարիներ առաջ հոր հետ անցկացրած Սուրբ Նիկողայոսի տոնի նախօրեի գիշերը։ Հոր հետ խաղն անսպասելի ընթացք է ստանում, իսկ երազած խաղալիքը դառը հետհամ է թողնում։ Night Sky Elevator, ռեժիսոր՝ Csanád Baksa-Soós (Հունգարիա · 9:03 րոպե) The Unlucky Rabbit, ռեժիսոր՝ Shane Hernandez (ԱՄՆ · 10:00 րոպե) Մի խումբ անիմատորներ Ուոլթ Դիսնեյին են ներկայացնում «The Unlucky Rabbit» վավերագրական ֆիլմի գաղափարը՝ այն մասին, թե ինչպես նրա ստեղծած առաջին կերպարներից մեկը՝ Հաջողակ ճագար Օսվալդը, ժամանակի ընթացքում մոռացության մատնվեց։