Գեղարվեստական և հետազոտական ցուցահանդես՝ ոգեշնչված Լճաշենի բրոնզեդարյան դամբարանների գտածոներից։ Այն 7-ամսյա հետազոտական և ստեղծագործական աշխատանքի արդյունք է՝ հիմնված գեղարվեստական հետազոտության և հնագետների հետ հարցազրույցների վրա։ Արվեստագետները կիրառել են ժամանակակից և ավանդական պրակտիկաներ՝ բացահայտելու հնագույն արվեստի ու հուշարձանների գեղարվեստական, մշակութային և տնտեսական արժեքը։ Ներկայացված է ավելի քան 50 աշխատանք՝ ստեղծված Լճաշենի դամբարաններում հայտնաբերված նյութերով ու տեխնիկաներով՝ ապակե և կավե գործեր (Լճաշենից ձեռքով հավաքված հազվագյուտ կավից), համայնքային ծեսերի, հոգևոր պրակտիկաների և հումքի վերստեղծումներ՝ ներկեր, պիգմենտներ, հանքանյութեր, թելեր, գործվածքներ, զարդեր։ Թիմ՝ Էլինա Երկաթյան, Էլիզաբեթ Առաքելյան, Մարիամ Գալստյան, Սասուն Մարգարյան, Էլիզա Կարապետյան։ Ժամանակակից արվեստի ինստիտուտի «Ինչպես գոյատևել որպես երիտասարդ արվեստագետ» դասընթացի շրջանավարտների ծրագիր։