Հայ գեղարվեստական լուսանկարչության հիմնադիրներից և ամենաերևելի ներկայացուցիչ Գագիկ Հարությունյանի 80-ամյա հոբելյանին նվիրված հետահայաց ցուցահանդես: Անվանի վարպետի լայնածավալ ցուցադրությունն իրականացվում է Հայաստանի Հանրապետության Անկախության 35-ամյա և Լուսանկարչության 200-ամյա հոբելյանների կապակցությամբ՝ նպատակ ունենալով վերարժևորել, հանրահռչակել ու միջազգայնացնել նրա ստեղծագործական ժառանգությունը: