Արփի Կէօքճեանի ցուցադրությունը, որտեղ ասեղնագործությունը դրսևորվում է խեցեգործության մեջ։ Սերելով դերձակների, ասեղնագործների, հելունագործների և թելավաճառների տոհմից՝ Արփին կրում է սերնդեսերունդ փոխանցվող մանածագործական հմտությունների ազդեցությունը։ Աշխատելով ընդամենը 2 մմ հաստությամբ ճենապակով՝ նա ստեղծում է կիսաթափանցիկությամբ և գործվածքին հատուկ նրբությամբ իրեր։ Միաժամանակ փխրուն և դիմացկուն ճենապակին հնարավորություն է տալիս վերստեղծել այն ձևերը, որոնք ժամանակի ընթացքում կորսվել են։ Ինստալյացիաները դառնում են դիմադրության ակտ՝ ընդդեմ Լիբանանի և Հայաստանի հետ կապված պատմության մշակութային ջնջման, ինչպես նաև անհետացման վտանգի առջև կանգնած հիշողությունները կենդանի պահելու միջոց։ Ցուցադրությունը գործում է մինչև 2026 թվականի նոյեմբերի 27-ը՝ աշխատանքային օրերին 11:00–20:00, ոչ աշխատանքային օրերին՝ 13:00–20:00։