«Արամ Խաչատրյան» համերգասրահ Հոկտեմբերի 12-ին «Արամ Խաչատրյան» համերգասրահում կկայանա իսպանական կրքով և ռիթմով լի ֆլամենկոյի երաժշտության և պարի երեկո։ Երևանյան բեմում հանդես կգան իսպանացի ֆլամենկո պարուհի Ռոսիո Գարիդոն և անսամբլը՝ ներկայացնելով ֆլամենկոյի երաժշտության, պարի և կիթառային կատարումների ամբողջական ծրագիր։ Ֆլամենկոն պարզապես երաժշտություն կամ պար չէ․ այն հույզերի, շարժման և ռիթմի յուրահատուկ երկխոսություն է, որտեղ միահյուսվում են կիթառի հնչյունները, երգը և արտահայտիչ պարը։ Երեկոն կազմակերպվում է Հայաստանում Իսպանիայի դեսպանության և Իսպանիայի միջազգային զարգացման համագործակցության գործակալության (AECID) աջակցությամբ։ Մենակատարներ՝ Ռոսիո Գարիդո և անսամբլ Բաց մի՛ թողեք հնարավորությունը մեկ երեկոյի ընթացքում զգալու Իսպանիայի ամենավառ մշակութային խորհրդանիշներից մեկի՝ ֆլամենկոյի էներգիան ու հմայքը։ Կազմակերպիչ՝ Հայաստանի ազգային ֆիլհարմոնիկ նվագախումբ