Արշավ Արջանոցի լեռներով դեպի Ձոր լեռան գագաթ (2629 մ), որտեղից բացվում են տեսարաններ դեպի խոր ձորն ու Փամբակի լեռնաշղթան։ Երթուղին սկսվում է Կաքավաձոր գյուղից, անցնում քարքարոտ գագաթնային հատվածով և անտառային արահետով ավարտվում Աղավնաձորում։ Երթուղու երկարությունը՝ մոտ 17–18 կմ Հարաբերական բարձրությունը՝ մոտ 800 մ Գինը ներառում է ուղեկցորդների և տրանսպորտի ծառայությունները։ Շշալցված ջուրը տրամադրվում է կազմակերպչի կողմից։ Անհրաժեշտ պարագաներ՝ • Հարմարավետ արշավային կոշիկներ • Հարմարավետ, տաք և փոխնորդ հագուստ • Ուսապարկ • Տաք և ամառային գլխարկ • Արևային ակնոց և արևապաշտպան քսուք • Անձրևապաշտպան բաճկոն • Ձեռնոց • Դեղատուփ • Լապտեր • Մեկ օրվա սնունդ Հանդիպման վայր՝ Հանրապետության հրապարակ, Վազգեն Սարգսյան փողոցի սկիզբ՝ Մարիոթ հյուրանոցի մոտ։ Գրանցում՝ զանգահարել 044 88 00 58 հեռախոսահամարով կամ գրել ֆեյսբուքյան էջին։ Վճարումը կատարվում է բանկային փոխանցմամբ գրանցման օրը, իսկ մասնակցությունը հաստատվում է փոխանցման կտրոնն ուղարկելուց հետո։ Մասնակցությունը կարելի է չեղարկել մինչև արշավի նախորդ օրը՝ ժամը 13:00-ն, հակառակ դեպքում գումարը ենթակա է վճարման ամբողջությամբ։ Նախքան արշավը պետք է լրացնել նաև կազմակերպչի համաձայնագիրը։