Եղանակն արդեն ցրտում է, այնպես որ թմբուկների շրջանը նորից տեղափոխում ենք փակ տարածք։ Առաջին տեղը, որտեղ հավաքվելու ենք նվագելու, Calumet Ethnic Lounge Bar-ն է։ Երաժիշտ լինել կամ նվագել իմանալ պարտադիր չի։ Սկզբում գուցե փորձեք որսալ ռիթմը, բայց շատ արագ ռիթմն ու կրկնությունը կկլանի ձեզ, կսկսենք լսել իրար, ու շրջանը կդառնա մի ամբողջություն։ Տոմս գնող յուրաքանչյուր մասնակից ամբողջ երեկոյի ընթացքում կունենա իր առանձին թմբուկը։ Թմբուկներով չենք փոխանակվելու ու իրար չենք փոխանցելու. ամբողջ շրջանի ընթացքում նվագելու եք նույն գործիքի վրա, որպեսզի զգաք այն, կապ ստեղծեք ու գտնեք ձեր ռիթմը։ Իսկ եթե ձեր սեփական թմբուկն ունեք, կարող եք միանալ մեզ անվճար։