Փարիզյան բարձրաշխարհիկ միջավայրում, որտեղ հումորը հաճախ վերածվում է ցինիզմի, մի խումբ ազդեցիկ տղամարդիկ շաբաթը մեկ հավաքվում են դաժան խաղի համար․ յուրաքանչյուրը բերում է «հիմարի», որի հաշվին պետք է ծիծաղեն։ Այս անգամ հերթը Պիերինն է, իսկ նրա «գտածոն»՝ Ֆրանսուա Պինյոնը։ Կատարյալ թեկնածու է թվում, բայց Պինյոնը հիմար է միայն նրանց կարծիքով․ նա անկեղծ է, անկանխատեսելի և վտանգավոր՝ իր պարզությամբ։ Մի քանի ժամում խաղը փլվում է, իսկ ծիծաղը փոխվում անհարմար լռության։ Կատակերգություն, որը ստիպում է ծիծաղել և մտածել, թե ով է իրականում հիմարը։ Կատակերգություն 2 գործողությամբ Հեղինակ՝ Ֆրանսիս Վեբեր Բեմադրող ռեժիսոր՝ Ռուզան Խաչատրյան Բեմի և զգեստների նկարիչ՝ Մարիամ Մուրադյան Դերերում՝ Հովիկ Գալոյան / Արթուր Պետրոսյան, Վարդան Կուղյանոսյան, Սիփան Զադոյան, Կարապետ Քարազյան, Հասմիկ Մխիթարյան, Արև Հակոբյան, Հարություն Մելիք-Բեկյան Տարիքային սահմանափակում՝ 16+ Հարցերի դեպքում՝ 010 580101, 043 580101