Պերֆորմանս, որի ընթացքում էլեկտրոնային երաժշտական գործիքի հավաքումն ու լարումը վերածվում են երաժշտության։ Ուկուլելեի ներսում տեղադրված՝ հատուկ նախագծված գործիքի միջոցով արտիստը հպումները, թրթռումներն ու շարժումները վերափոխում է անընդհատ զարգացող ձայնային միջավայրի։ Դիեգո Լիեդոն մեքսիկացի արվեստագետ, էլեկտրոնային երաժշտական գործիքների նախագծող և ծրագրավորող է, որն ուսումնասիրում է ակուստիկ երևույթների, էլեկտրոնիկայի և փորձարարական ձայնի փոխհարաբերությունները։