Դիմացկունության վազք Հրազդանի կիրճում, որտեղ կարևորը արագությունը չէ, այլ այն, թե քանի պտույտ կարող ես վազել: Ձևաչափը․ Յուրաքանչյուր ժամ մասնակիցները սկսում են նոր 4,2 կմ պտույտ: Եթե հասցնում ես ավարտել ավելի շուտ, կարող ես հանգստանալ և սնվել մինչև հաջորդ մեկնարկը: Ժամանակին չհասնելու կամ մեկնարկը բաց թողնելու դեպքում մասնակիցը դուրս է մնում: Հաղթում է վերջին մնացած վազորդը: Եթե մինչև վերջին՝ 24-րդ պտույտ հասնեն մի քանի մասնակից, կհաղթի նա, ով առաջինը կհատի վերջնագիծը: Բոլոր 24 ժամերը չվազել ցանկացողները կարող են միանալ ցանկացած մեկնարկի և վազել մեկ կամ մի քանի պտույտ՝ որպես հյուր, առանց մրցույթի: • Հիմնական վազքի մասնակցությունը՝ 5,000 դրամ, հյուրերի համար՝ 1,000 դրամ • Տարիքային սահմանափակում՝ 18+ • Տեղում կլինեն ջուր, մեկնարկային ավան և բուժաշխատողներ • Գիշերը վազելու համար պարտադիր է ունենալ ճակատային լապտեր և լուսանդրադարձնող տարրեր Գրանցումը՝ կազմակերպչի ինստագրամյան էջի հղումով: