Արշավ Բեզոարյան այծերի արահետներով՝ Նորավանքին նայելով նրանց աչքերով։ Երթուղին սկսվում է Գնիշիկ գյուղից, անցնում լքված բնակավայրերով և Գնիշիկաձորի դեղնակարմրավուն ժայռապատերով։ Վերևից բացվում է տեսարան դեպի Նորավանք, իսկ օրվա վերջում հասնում ենք լքված Ամաղու գյուղ և իջնում Գնիշիկ գետի մոտով անցնող արահետով։ • Հեռավորություն՝ 13 կմ • Հարաբերական բարձրություն՝ 500 մ Հանդիպման վայր՝ Մարտիրոս Սարյանի այգի (խնդրում ենք լինել 10 րոպե շուտ) Անհրաժեշտ պարագաներ՝ Ուսապարկ, ջուր (առնվազն 1․5 լ), մեկ օրվա սնունդ, տաք հագուստ, անձրևանոց/թիկնոց, գլխարկ, արևային ակնոց, արևապաշտպան քսուք, անհատական դեղատուփ, ճակատային լապտեր, հարմարավետ կոշիկներ (ցանկալի է՝ արշավային) և պահեստային զույգ։ Ցանկության դեպքում՝ արշավային ձեռնափայտեր և գետրեր։ Գրանցման քայլեր՝ 1. Կապվել 043 00 5165 հեռախոսահամարով կամ գրել Armenian Geographic-ի ֆեյսբուքյան էջին (երկուշաբթիից շաբաթ, 10:00–18:30): 2. Եթե առաջին անգամ եք միանում, լրացնել մասնակցության հայտը՝ https://bit.ly/3Yhra9b 3. Կատարել փոխանցում՝ «Արմգեո» ՍՊԸ (Ինեկոբանկ), հ/հ 2052 0222 1888 1001 (նշել անուն, ազգանուն կամ հեռախոսահամար): 4. Փոխանցման անդորրագիրն ուղարկել Armenian Geographic-ի ֆեյսբուքյան էջին։ Մասնակցությունը չեղարկել հնարավոր է մինչև արշավի նախորդ օրվա ժամը 12:00-ն։ Ուշացման կամ վերջին պահին չեղարկելու դեպքում գումարը չի վերադարձվում։