Գիտաժողով՝ նվիրված Հովհաննես Շարամբեյանի ծննդյան 100-ամյակին և Ոչ նյութական մշակութային ժառանգության միջազգային օրվան։ Նպատակն է ստեղծել մասնագիտական հարթակ՝ թանգարանային ու մասնավոր հավաքածուների ուսումնասիրության, ավանդական արհեստների պահպանման և ժամանակակից հետազոտությունների շուրջ։ Հիմնական թեմատիկ ուղղությունները՝ • Հայկական ժողովրդական և դեկորատիվ-կիրառական արվեստի պատմություն և տեսություն • Թանգարանային/մասնավոր հավաքածուների և վարպետների ժառանգության ուսումնասիրություն • Ավանդական գիտելիքների փոխանցում, նյութական և ոչ նյութական ժառանգության կապը • Թանգարանների դերը կենդանի ժառանգության պահպանման գործում • Ժողովրդական արվեստը ժամանակակից դիզայնում, ստեղծարար արդյունաբերություններում և թվայնացում Ծրագրի ավարտին նախատեսվում է «Ժողովրդակա՞ն, թե՞ դեկորատիվ-կիրառական արվեստ» կլոր սեղան-քննարկումը։ Կարող են մասնակցել նաև անկախ հետազոտողները։ Ժամանակացույց՝ • Սեպտեմբերի 30՝ հայտերի և հիմնադրույթների (300–400 բառ) ընդունման վերջնաժամկետ • Հոկտեմբերի 10՝ մասնակցության հաստատում • Դեկտեմբերի 30՝ հոդվածների ներկայացման վերջնաժամկետ Հայտերն ուղարկել [email protected] էլ․ հասցեին։ Հարցերի դեպքում՝ (+374) 41 409 599 (գիտական քարտուղար՝ Թորգոմ Աղանյան)։