Գործնական աշխատարան՝ նվիրված առօրյա աշխատանքում արհեստական բանականության կիրառմանը։ Նախատեսված է սկսնակների համար՝ Շիրակի մարզի ՀԿ-ների, սոցիալական ձեռնարկությունների և հիմնադրամների, պետական ու համայնքային կառույցների, բիզնեսների ներկայացուցիչների և նորարար գաղափարներ ունեցող երիտասարդների համար։ Ինչ կսովորեք․ • Հասկանալ ԱԲ-ի հնարավորություններն ու սահմանափակումները • Կազմել արդյունավետ հարցումներ՝ ավելի օգտակար պատասխաններ ստանալու համար • Ստուգել ԱԲ-ի տրամադրած տեղեկությունների ճշգրտությունը • Կիրառել ԱԲ-ն աշխատանքային նամակներ, հրապարակումներ, դրամաշնորհային հայտերի ստուգաթերթեր և դոնորներին ուղղված հաղորդագրություններ պատրաստելու համար Ինչ կտանեք ձեզ հետ․ • ԱԲ-ի անվտանգ օգտագործման 5 հիմնական կանոն • Ձեր կազմակերպության կամ գործունեության մասին պատրաստի նկարագրություն՝ հետագա հարցումներում օգտագործելու համար • ԱԲ-ի օգնությամբ պատրաստված առնվազն մեկ գործնական նյութ Դասընթացը կվարեն Armenian Code Academy-ի մասնագետները։ Գործնական աշխատանքը կիրականացվի ChatGPT-ի անվճար տարբերակով՝ հեռախոսների կամ նոթբուքերի միջոցով։ Աշխատարանի լեզուն՝ հայերեն։ Տևողությունը՝ 3 ժամ։ Գրանցում՝ կազմակերպչի ինստագրամյան էջի հղումով։