«Էութեան թատրոնի» բեմադրությունը մանուկների և մեծահասակների համար՝ ըստ Լեոնարդո դա Վինչիի առակների և հեքիաթների։ Հանճարեղ նկարիչը՝ խոհերով տարված, նկարում է ինքնամոռաց։ Հանկարծ նրա միտքը կենդանանում է, դառնում թիթեռնիկ և սկսում խոսել՝ բացահայտելով նկարչի ներքին աշխարհը։ Գունագեղ, աշխույժ և ուսուցանող խաղը թույլ է տալիս ճանաչել բնության օրենքները։ Բեմի ձևավորումն արված է բնական կտավով, որը հնարավորություն է տալիս հեքիաթային հերոսների հետ շրջել անտառով, տեսնել բնության հրաշքները, արդարն ու բարին։