This Morning, That Night / Այս առավոտ, այն գիշեր

AIVAZIAN éditions-ի և projet MENK-ի համատեղ նախագիծը ներկայացնում է «This Morning, That Night» (Այս առավոտ, այն գիշեր) գրքի շնորհանդեսը և 14 բնօրինակ փորագրանկարների ցուցահանդեսը: Նախագիծը կենտրոնանում է ժամանակակից հայ պոեզիայի ընտրանու վրա՝ գրված արևմտահայերենով և արևելահայերենով՝ ստեղծելով երկխոսություն նույն լեզվի տարբեր աշխարհագրությունների և զգայությունների միջև: Փորագրանկարները ստեղծվել են Երևանի Studio Sahakyan-ում և Փարիզում։ Դրանք ներկայացված են որպես տեսողական համաստեղություն, որտեղ միահյուսվում են հիշողությունը, բացակայությունն ու ներկայությունը: Հուլիսի 9-ին, ժամը 19:00-ին՝ շնորհանդես և հանդիպում հեղինակների ու կազմակերպիչների հետ: Ցուցահանդեսը բաց է հուլիսի 9-ից 17-ը: Մուտքն ազատ է: