:format(webp)/films/36ec70f7-0b94-4a48-a740-76c656c4d5d5/d6ac65d2d1ab1571dd632c1c09c0e235.jpg)
Երևանը կրկին կհյուրընկալի «Ոսկե ծիրան» միջազգային կինոփառատոնը 🎬 Հուլիսի 12–19-ը Երևանը կրկին կդառնա միջազգային կինոյի կարևոր կենտրոն՝ հյուրընկալելով արդեն 23-րդ «Ոսկե ծիրան» միջազգային կինոփառատոնը։ Այս տարի փառատոնին ներկայացվել է շուրջ 600 հայտ՝ աշխարհի 90 երկրից, որոնցից ընտրվել է 90 ֆիլմ՝ 40 երկրից։ Փառատոնի գլխավոր հովանավորը Երևանի քաղաքապետարանն է, այն իրականացվում է ԿԳՄՍ նախարարության աջակցությամբ: Փառատոնին ընդառաջ Կինոյի տանը կայացել է մամուլի ասուլիս՝ ԿԳՄՍ նախարարի տեղակալ Տիգրան Վիրաբյանի, Երևանի քաղաքապետի տեղակալ Լևոն Հովհաննիսյանի, «Ոսկե ծիրան» միջազգային կինոփառատոնի հիմնադիր նախագահ Հարություն Խաչատրյանի, փառատոնի տնօրեն և գեղարվեստական ղեկավար Կարեն Ավետիսյանի, ինչպես նաև միջազգային բաժնի ղեկավար Վարվառա Հովհաննիսյանի մասնակցությամբ։ Փառատոնի բացումը տեղի կունենա հուլիսի 13-ին՝ Թամարա Ստեփանյանի հայ-ֆրանսիական համատեղ արտադրության «Արտոյի երկիրը» ֆիլմի ցուցադրությամբ։ Այս տարվա պատվավոր հյուրն է ֆրանսահայ անվանի դերասան Սիմոն Աբգարյանը, իսկ միջազգային և տարածաշրջանային մրցութային ծրագրերի ժյուրիները կգլխավորեն ժամանակակից կինոյի ճանաչված ներկայացուցիչներ՝ Ջեսիկա Հաուսներն ու Մահմուդ Քալարին։ @goldenapricotiff
:format(webp)/event-sources/a2accd8e-bb8c-4809-9483-c6460fb3514b/8d71a20a1711c19ace9abb0f606ae325.jpg)
Yerevan hosts the 23rd Golden Apricot International Film Festival. Out of 600 applications from 90 countries, the final program features 90 films representing 40 countries. Opening Film (July 13) Arto’s Country by Tamara Stepanyan (Armenian-French co-production). Guest of Honor Renowned French-Armenian actor Simon Abkarian. Jury Chairs The international and regional competition panels will be led by Jessica Hausner and Mahmoud Kalari.