Մենակ երկուսով

«Մենակ երկուսով» վավերագրական ֆիլմը պատմում է Շուրայի և Օֆելյայի մասին: Տարեց ամուսնական զույգ, որ շուրջ հիսուն տարի ապրել է փոքրիկ տանը՝ արտաքին աշխարհից կտրված։ Ֆիլմը սկսվում է Օֆելյայի մահից և հետադարձ ժամանակային կառուցվածքով բացահայտում նրանց համատեղ կյանքի հիշողությունները։ Ժամանակը այստեղ հոսում է ոչ թե գծային, այլ շրջանաձև ու երբեմն սառեցված ձևով։ Տունը դառնում է հիշողության տարածք, որտեղ պատերը, առարկաները և լռությունը կրում են ապրած կյանքի հետքերը։